feeling-697557_1280

Bade hoja bete ab toh,
Tu hi budape ka sahara hai,
Kha ek vyakti ne chand se,
Tu hi aankho ka taara hai…


Tujh me panap rhe ye dhabbe,
Mere budape ki parchai hai,
Timir mei ye Teri chamak,
Jeevan mei ek aaas lekar aayi hai…

Tera mujhse yu kehna ki,
Hur oor chandni bharpoor hai,
Jataati mujhe ki tu kitna paas hai,
Fir bhi kitna dooor hai…

Tere badne ki rah mei,
itne chund likh daale hai,
Fir bhi tu badta nhi,
Khwab ho jaate kaale hai…

Aantriksh mei na jaane you toh,
Taare hi kitne hazaar hai,
Pur mere jeevan mere tanay,
Mujhe tera hi intzaar hai…

Dekhta hu roz raat,
Tujhe khada apne samaksh,
Fir bhi na jaane kyu khatm na hota,
Ye krishna-paksh…

Tu hi kyu ghat-ta ja rha,
Tu hi toh humara praan hai,
Iss santaan-heen dampati ki,
Ek-matr santaan hai…

Mera asli putr toh mujhe,
Akela chor chala gya,
Ab tu bhi ghat rha hai,
Darsha kuch toh daya…

Gol dharti, Gol suraj,
Gol hai tu chandrma,
Mai toh seh loonga lekin,
Dekh kaise ro rhi Teri maa…

Aaj wo sath nhi toh kya hua,
Tu toh mere sath hai,
Pur kal tu bhi chala jayega, kal,
Amavasya ki raat hai….

Spread the love