Khargosh kachuae ki daur mei,
Kachua jeet jata hai,
Yadi socha jaye jeevan mei toh,
Hur rah, ek naya meet aata hai…

 Yadi Gandhi aage na badte toh,
Kaha hota bharat aazaad,
Aage kai sunhere pul hai,
Choro sab peeche ki yaad…

Prathmik kakshao mei toh baccha bhi,
Vidhyalaya jaane se rota hai,
Pur jeevan mei Jo bhi hota hai,
Acche k liye hi hota hai….

Kya hua jeevan se yadi,
Ek saal chala jaata hai,
Sur utha k dekho Zara,
Ek naya saal aata h….

Raat ki rani k Kusum bhi,
Tam mei hi toh khilte hai,
Is rang-birange safar mei,
Kitne hi log milte hai…..

Sher ki bhi kamzori hai ki,
Wo pedo pur kaha chadta hai,
Pur dekha jaye uss se toh,
Hur insaan durrta hai…

Apne shrum se toh cheeti bhi,
Pani se bahar aati hai,
Manzil ki oor toh sarak bhi,
Swayam hi mud jaati hai….

Jise pyas hi na lagi ho,
Wo pani nhi peeta,
Jo vicharo se hi haar gya,
Wo asli jeevan nhi jeeta….

Vichar aur safalta,
Ek thaili k chatte-batte hai,
Jo angooor lomdi k haath lage,
Bhala wo kaha khatte hai…..

Spread the love