IMG_20160502_214707

Shwet vastro ki shrankhla mei,
Ghada haatho mei liye aage,
Putr ek chalta hai,
Kesh-heen mastishk pur,
Chamchamata suraj bhi,
Dheemi gati se dhalta hai…

Rui se dhaki nasika aur,
Tooti chooriyo ke sang,
Shav arthi pur pada rehta hai,
Uss pur chadi malaye aur,
Ram naam hi hai satya,
Yahi hur mukh kehta hai…

Mandir mei Jo ruk gyi,
Unn aurto ke mukh se,
Cheekho ki pukar aati hai,
Udti hui dhool aur,
Logo ki badti panktiya,
Maatum bada manati hai…

Kitne hi pud-chinho par,
Pushpo ko daal daal kar,
Mandal aage badh jaata hai,
Shamshaan k uss dwar pur,
Mratak Jo pahuch gya wo,
Kabhi lautkar na aata hai….

Yu toh kitne hi log,
Matr kuch Palo mei,
Chita ko deh jaate hai,
Ye shanti ka saaya hai,
Shamshaan path par fir se,
Kewal pushp reh jaate hai….

Spread the love