helping

SUBMITTED BY: ABHISHEK CHAUHAN

Sunsan raahon par aaj bhi, main akela hi nikalta hoon
Girta hoon bachchon ki tarah, girkar phir sambhalta hoon
Sooni iss dagar par, ik patta tak na hilta hai
Na jaane kyon iss rah par, haara hua rahi milta hai

Ichha hai mann mein mere
In rahiyon ko rasta dikhaun
Thaamkar inka haath inhe bhi
Inki manzil tak pahuchaun
Darta hoon main bhi kai baar
Kahin iss rah par kho naa jaoon
Khud se jo kiya tha kabhi
Wada woh nibha na paoon

Bhool jate hai log kyu
Kamal kichad mein hi khilta hai
Mehnat karne waalo ko
Phal sadev hi milta hai
Sooni iss rah par, hara hua rahi milta hai
Girta hai bachchon ki tarah, girkar phir sambhalta hai

Manobal koi hila sake na
Karlo khud par itna vishwas
Ho bhale hi zara kathin
Par rasta hai yeh khas
Paristhiti ho kitni bhi kathin
Kathinaiyon ka hoga vinash
Chalna hai humein chalte rahenge, khud par bas karlo vishwas

Sunlo ae raahiyon tum sab
Aaj bataun tumko ik raaz
Iss rah par chalne waalon ka
Ik alag saa hota hai mijaj
Khaakar thokar iska rahi, khud par yakin karta hai
Girta h bachchon ki tarah, girkar phir sambhalta hai

Spread the love